黃絲欲一家三口移民　連登爸不捨10萬「糧支」

　　該名港爸以「有無人放唔低香港份糧?」為題發文，話自己沒有專業資格，畢業後好彩入到大公司累積經驗，「之後15年轉咗4次工」，現在每月搵6.5萬元，太太亦有4萬元收入，形容兩人收入好好，但就未有置業，「儲落百幾萬買樓就一鋪清」。他分析好多移民的人，有的是後生仔在香港收入不高，沒有心理壓力;有的是擁有專業資格，到外國都會易啲做回本行;亦有身家富裕可半退休打工。

　　港爸與太太商量後諗咗3個方案出嚟，一是其中一個先跟兒子到外國，另一個做「太空人」10年後才團聚，但就怕錯過個仔嘅成長，將來同阿仔關系可能疏遠;二是唔理咁多全家一齊移民，「洗大餅超市執貨應該可以生活」，但又變咗低下階層，會影響兒子的將來;最後方案是繼續留港。