阿媽狂整蘿蔔糕塞滿雪櫃 網民：「新年預咗肥5kg」

　　象徵步步高陞的年糕，是過年必備的食品。有網民在討論區以「媽咪又整咗好多底蘿蔔糕」為題發文，指母親上兩星期開始製作蘿蔔糕，主要是想送給親戚好友，本來已送出咗幾底，但後來又收到別人送返幾底做回禮，目前雪櫃已有4至5底蘿蔔糕，但母親仍堅持親手整糕，令他不禁慨嘆「今個新年預咗肥5kg」!

　　樓主表示，曾提議將收到的蘿蔔糕轉送出去，惟遭到母親拒絕，因為「佢覺得自己整嘅先有誠意」。樓主原本打算叫母親預留其中1底，好讓他一試母親手勢，但看到雪櫃內大批蘿蔔糕後，便打消這個念頭，並指「決定今日開始清雪櫃嗰幾底」。

　　帖文引發網民熱議，有人羨慕樓主過年有無限蘿蔔糕，叫樓主好好珍惜;另有網民笑言農曆新年是「互相傷害的節日」，有網民則身同感受話「老婆整埋年糕，好驚今個新年又要無限年糕輪迴」。