港女叫$60牛腩飯驚變$88 網民質疑餐廳博懵搵着數

　　該名港女於fb群組「香港茶餐廳及美食關註組」發文指，7月27日到太子一間茶餐廳食午餐，點了叫了一份60元午餐咖喱牛腩飯，「當時我係睇咗餐牌後才落單」，豈料店家之後給她的單竟然係88元。她即時向職員查問，對方回應說「打錯了」，隨後更正。樓主概嘆「如果我沒有看過餐牌，也沒有檢查打單的價錢的話，就多付了$28」。

　　從樓主上載圖片見到，她叫了一份「香濃咖喱牛腩飯」為88元，下方有一項「手寫單」，減回28元。連同凍奶茶加3元，埋單合共63元。「可能真是無心之失」，不過樓主提醒大家點餐後一定要檢查賬單價錢是否正確，「叫餐之前要看清楚餐牌上的價錢，及後亦要檢查一下打單上的價錢是否正確，避免不必要的誤會及多付!」

　　帖文引來網民熱議，「根本特登的，常用招數」、「九成九博懵，菜單打啱冇理由價錢出錯，又唔係人手寫單」、「好多時都係冇睇單、去櫃枱話八達通、嘟咗就瀨嘢」、「你出呢個post係好嘅，有可能係無心之失，但係有好多蠱惑友係博大霧搵着數」。

　　不過，亦有網民認為只是打錯單，「打錯單好出奇??正常落完單一擺低就會睇㗎啦，基本嘢都要提??」、「計少都會有，不過以香港人性格唔出聲嘅人多啲」、「我估唔係特登，應該係按咗原價飯，唔係揀午餐」。