新春習俗丨今年無年三十!「年廿九」食團年飯

　　今日(31日)係辛丑牛年嘅最後一日，中國人慣例要貼揮春，以迎春接福。其實睇落簡單嘅「貼揮春」都有唔少禁忌!一般來講，年廿四起，年廿八大掃除後、年三十晚前，以及立春當日都可以貼，最好揀陽氣盛嘅時間貼，即早上6時到中午12時之間。貼上揮春後，一般會留待來年歲末或立春才拿掉。

　　需留意，今年係無年三十㗎。實際上，由2011年至2030年嘅20年間，有9年都無「年三十」，其中2025年至2029年，將是連續沒有「年三十」嘅5年。據了解，原來「年三十」被消失和月亮有重大關系，農曆的計算方法是根據月圓到月缺，每一個周期稱之為「朔望月」，一個周期平均有29.5天，有29日的稱之為小月;而有30日的稱之為大月，恰好2022年臘月是小月，因此並沒有年三十了。

　　既然無「年三十」，就要係年廿九同屋企人齊齊食個團年飯啦，部分市民係呢一日唔會洗碗，更會特意煮多點飯菜留作翌日食用，取其盤滿缽滿、衣食無憂等意。