岑敖暉自揭「投降派」 冇區議員係小事

　　一班不務正業嘅黃絲區議員「攬炒成功」冇得留低，正在監獄服刑嘅前荃灣區議員岑敖暉，噚日喺社交平台上載佢嘅獄中信，話即使冇咗區議員，並並非大不了嘅事，更形容三個有心有力嘅街坊，足以勝過一個「區議員」咁話。

　　岑敖暉因前年喺網上發表煽動暴力文章，被控藐視法庭罪成，現正服刑，而官司纍纍嘅佢，早前另涉非法初選案被控串謀顛覆國家政權罪。佢在帖文提到甫上任區議員之際，就希望其所屬選區，有朝一日無咗「區議員」都得。佢更自稱是「投降派」，話一眾街坊投放喺社區嘅力量，實在比一個議員仔大得多。

　　所以呢，佢認為沒有區議員，其實真的並非那麼大不了的事情，指一個社區嘅心臟和大腦，一定是落手落腳做事嘅街坊，形容三個有心有力嘅街坊，足以勝過一個「區議員」喎。