港女哭訴考牌7次都「肥佬」網民：真心建議不要害人

　　該港女日前於fb群組「學車/學神/駕駛技術交流集中營」發文分享考車經歷，以當日早上10時10分考沙田河畔路線時為例，指考試時「超級多車」，最終因不熟路「肥咗(不及格)」，「今日一出去考場，咁就直去，跟住要cut條線超級多車，我已經拉遠行車距離cut線，我唔(cut)就行唔到，一cut線完個官就話小心啲，你有冇睇後面有車，心諗大鑊肥鬼咗。之後我都小心翼翼咁樣揸，點知都係畀個肥佬我」。

　　樓主不禁嘆道：「係咪佢(考官)一講嘢就註定衰硬?點解其他人考禁區?點解我要考呢條又長又多車又要整路好複雜?」、「真係好黑仔，又要再考過(路試)」，幸而泊位考試順利通過，算是完成了一半考試。

　　樓主強調自己駕駛能力沒有問題，「本身自己手車師傅都話OK」。帖文引來網民熱議，有人分享自身經歷安慰樓主，「欣賞你堅持」、「7次還好啦，我都考咗9次」、「運氣都好緊要」、「你個師傅有問題，轉過個」。不過，有更多網民認為樓主不適合「揸車」，「考7次都唔合格，真係唔係好適合揸車」、「7次都肥仲覺得係黑仔?」「無謂變馬路炸彈!」、「真心建議不要害人」。