假記者冒《蘋》開專頁 遭篤灰下架
Ta Kung Pao
《蘋果日報》摺埋唔夠12個鐘,已經有黃絲趕住發「爛果財」!一名自稱係「記者」嘅曹敏儀突然喺fb開咗個叫「蘋果日報live」嘅專頁,稱自己去咗《蘋果》做義工,以後仲會喺呢個專頁直播咁話。由於呢個專頁嘅logo同《蘋果》以往個logo一樣,所以都呃咗唔少黃絲like,不過好快就俾其他網民踢爆呢個專頁並非由真正嘅《蘋果》記者營運,搞到呢個專頁開咗唔夠24個鐘就俾人投訴到關閉。
而「連登仔」亦迅速踢爆,曹敏儀就係前年黑暴嗰陣起已經自稱係網媒「香港人連儂牆」嘅「記者」,仲批評佢「搞到記者個名臭曬」,開post嘅「連登仔」「我叫走甜」仲話:「呢D(啲)垃圾網媒淨係識賣黃,呃錢呃眾籌呃課金。」More Related News